O PP PIDE UNHA ‘OFICINA VIRTUAL’ PARA FOMENTAR A PARTICIPACIÓN DA VECIÑANZA NOS ASUNTOS MUNICIPAIS
Despois de ler o anuncio de hoxe na prensa, sobre a implantación en Cangas, por parte da Deputación de Pontevedra, dun servizo de administración electrónica que permitirá a cidadanía realizar xestions, tramites ou facer consultas de diversos expedientes sen ter que realizar ningún desprazamento, dende o PP de Cangas preguntámonos para cando se creará no noso Concello, unha “oficina” tamén virtual, que sirva de canle real e efectiva, que permita as veciñas e veciños de Cangas manifestar as súas inquedanzas e preocupacións, as súas queixas ou suxestións; un espazo onde se poñan en coñecemento as deficiencias que xurden cada día nas nosas rúas, co fin de que, dende o servizo correspondiente, se lle dea unha pronta solución.
Quizais así, algúns dos nosos representantes municipais, teñan unha imaxe máis axustada do que pasa na nosa vila e non busquen escusas simplistas para non afrontar a realidade.
Dolores Gallego, concelleira do PP de Cangas.