O PP SOLICITA INFORMACIÓN SOBRE O PROGRAMA DE COMPOSTAXE

Ante as diferentes informacións aparecidas na prensa local o grupo municipal do PP quere que o goberno local aclare se Cangas adhiriuse definitivamente ao programa de compostaxe da Deputación de Pontevedra e que facilite o acceso á documentación sobre este asunto así como que se explique cales son os lugares elixidos para situar os composteiros, xa que nos medios de comunicación citábanse os xardíns do entorno dos Xulgados, a parcela municipal no inicio da rúa Concepción Arenal e os coñecidos como xardíns de Andreita como os espazos escollidos. Ademáis, a formación quere saber se foi realizado algún estudo sobre o impacto desta iniciativa na reducción da cantidade de lixo que se envía á planta de A Portela e de existir, ter acceso a dito documento.

Programa abocado ao fracaso

Para os populares este programa está abocado ao fracaso xa que non incentiva de ningún xeito a participación da veciñanza, sendo algo voluntario, polo que temen que ao final supoña novos puntos de acumulación de lixo en zona urbana molesto e mesmo perigoso para os veciños e veciñas. A isto engaden que a “escasa información ofrecida polo equipo de goberno aos cangueses sobre esta iniciativa pode incluso perxudicar ao actual sistema de reciclado, que pese as dificultades, sitúan a Cangas por encima da media do Estado” recalcan.

Por outra banda, o grupo municipal plantexa ao tripartito que podería ser mais positivo a implantación deste sistema nas zonas rurais, como fórmula alternativa e complementaria aos sistemas de recollida e procesamento de residuos xa existentes.